Nigerdə Beninə gedən neft kəmərini qoruyan 6 patrul əməkdaşı həlak olub. Bu barədə “Reuters” təhlükəsizlik orqanlarına istinadən məlumat yayıb.
Agentliyin məlumatına görə, naməlum şəxslər “Nigerin cənub-qərbindəki Doso bölgəsindəki Salkam və Tibiri kəndləri ərazisində” neft kəmərini qoruyan patrula hücum ediblər. Hücum nəticəsində 6 əsgər həlak olub.
Hücumun arxasında kimin ola biləcəyi bəlli deyil.
Bundan əvvəl Niger hakimiyyəti Benini neftin yüklənməsinə nəzarət etmək üçün bu ölkədə olan beş vətəndaşı qaçırmaqda günahlandırmışdı. Nigerin baş naziri Əli Mahamane Lamin Zein Benini ölkədəki vəziyyəti sabitləşdirmək üçün Nigerə göndəriləcək terrorçuları hazırlamaq məqsədilə öz ərazisində Fransa hərbi bazalarına yerləşdirməyə görə qınayıb. (Tass)