Nigeriya qeyri-sabitliyin artdığı Qambiyada sülhməramlı qüvvələrin tərkibində 197 əsgər göndərəcəyini açıqlayıb. Bu barədə Nigeriya Silahlı Qüvvələri komandanlığının nümayəndəsi general-mayor Bonifas Sinqen məlumat verib.
Onun sözlərinə görə, Nigeriya qoşunları Qərbi Afrika Dövlətlərinin İqtisadi Birliyinin (ECOWAS) Qambiyadakı sülhməramlı qüvvələrinə (ECOMIG) qoşulacaqlar ki, bu qüvvələrin əksəriyyəti Nigeriya kontingentindən ibarətdir. Yerləşdirmədən əvvəl qoşunlar Kaduna əyalətindəki sülhməramlı təlim mərkəzində altı həftəlik BMT təlimindən keçiblər.
“Sizin missiyanız Qambiyanın kritik qeyri-müəyyənlik və qeyri-sabitlik dövrü ilə üzləşdiyi bir vaxta təsadüf edir” deyə , “Sülhün təmin edilməsində, mülki əhalinin qorunmasında və davamlı inkişafın təmin edilməsində mühüm rolunuz var” general vurğulayıb. (Tass)
