Oyo qubernatoru Seyi Makinde partlayışın baş verdiyi Oyo əyalətinin paytaxtı İbadana baş çəkib və hadisə ilə bağlı məlumat alıb.
Makinde səfərdən sonra verdiyi açıqlamada partlayışın qeyri-qanuni mədənçilik nəticəsində baş verdiyini bildirib.
Partlayışda 2 nəfərin həyatını itirdiyini bildirən Makinde 77 nəfərin yaralandığını qeyd edib.
Partlayışla bağlı araşdırmaların davam etdiyini bildirən Makinde, bu mövzuda günahı olan hər kəsin məsuliyyətə cəlb ediləcəyini vurğulayıb.
Oyo əyalətinin paytaxtı İbadanda dünən axşam saatlarında baş verən partlayışda bir çox evə ziyan dəyib, çoxlu avtomobil külə dönüb.
Minerallarla zəngin Nigeriyada qeyri-qanuni mədənçilik geniş yayılmışdır. (TRT Haber)