Nigeriyanın şimal-şərqindəki Yobe əyalətində bir kənddə iki gün ərzində ən azı 40 nəfər Boko Haram silahlıları tərəfindən öldürülüb. Bu barədə əyalət polisinin sözçüsü Əbdülkərim Dungus məlumat verib.
“Oktyabrın 30-u və 31-də Quurokaya kəndinə hücumlar baş verib, azı 40 sakin həlak olub”, – deyə o, Reuters agentliyinə istinadla bildirib.
Qərbi Afrikadakı ən böyük radikal islamçı terror qruplaşması olan Boko Haram 2002-ci ildə Nigeriyanın şimalında yaranıb. 2015-ci ildə Nigeriya hökumət qüvvələri onu böyük məğlubiyyətə uğradıb və nəzarəti altında olan ərazini xeyli azaldıb.
Elə həmin il Boko Haramda parçalanma baş verdi, silahlı strukturların bir hissəsi “İslam Dövləti” (İD, Rusiya Federasiyasında qadağan olunmuş) terror qruplaşmasına qoşulduqlarını elan edərək “Qərbi Afrikada İslam Dövləti” adını aldılar. Onlar da vaxtaşırı qonşu dövlətlərin – Kamerun, Niger, Çad ərazilərinə hücumlar həyata keçirirlər. (Tass)