Aprelin 22-də Nikaraqua və Rusiya hakimiyyəti qeyri-qanuni sanksiyalara qarşı mübarizə haqqında bəyannamə imzalayıb. Bu barədə Mərkəzi Amerika ölkəsinin vitse-prezidenti Rosario Murillo məlumat verib.
“Nikaraqua və Rusiya qeyri-qanuni sanksiyalara qarşı mühüm saziş və ya bəyannamə imzalayıblar, biz onları təcavüz adlandırırıq”-deyə sənəddə qeyd edilir.
Bəyannamədə xüsusilə qeyd olunur ki, hər hansı dövlətə qarşı sanksiyaların tətbiqi “qanunsuzdur, BMT Nizamnaməsinə və beynəlxalq hüquqa ziddir və beynəlxalq məsuliyyətə səbəb olur”. Sənəddə, həmçinin dövlət və xüsusi mülkiyyətin və bütün aktivlərin, o cümlədən bank hesabları, istiqrazlar və daşınmaz əmlakın “birtərəfli icra tədbirləri nəticəsində dondurulma, müsadirə və ya hər hansı digər formada müsadirə və ya məhdudiyyətdən immunitetə malik olması” haqqında müddəa yer alır. Tərəflər beynəlxalq ticarətin “adətən birtərəfli məcburi tədbirlər həyata keçirmək və ya qlobal iqtisadiyyatda müəyyən dövlətin valyuta hegemonluğunu saxlamaq üçün istifadə olunan milli valyutalardan” asılılığını azaltmaq üçün yol xəritəsinin hazırlanmasının zəruriliyini bəyan ediblər.
Sənədi Rusiyanın xarici işlər naziri Sergey Lavrov və Nikaraqua prezidentinin Rusiya Federasiyası ilə əlaqələrin inkişafı üzrə xüsusi nümayəndəsi Laureano Orteqa Murillo imzalayıblar. Tərəflər bütün sahələrdə qarşılıqlı dəstəyi, həmçinin Nikaraqua ilə Rusiya arasında tərəfdaşlığın strateji xarakterini təsdiqləyiblər. (Tass)