Northrop Grumman Ukraynada orta çaplı sursat istehsal edən ilk Amerika hərbi sənaye konserni olacaq. Bu barədə Breaking Defense internet nəşri şirkətin nümayəndəsi Deyv Bartelə istinadən məlumat yayıb.
Onun sözlərinə görə, şirkət Ukraynada orta çaplı döyüş sursatlarının istehsalı üzrə layihə hazırlayır. “İnnovativ prosesləri həyata keçirə bilsək, bu [layihəni] tank sursatlarının, 155 mm-lik və digər mərmilərin istehsalına genişləndirməyi planlaşdırırıq” deyib Bartell. Şirkət nümayəndəsi planın təfərrüatlarını açıqlamayıb.
Nəşr qeyd edir ki, “Northrop” layihəsi Amerika müdafiə şirkəti ilə Ukrayna hökuməti arasında Ukraynada istehsal layihəsini həyata keçirmək üçün açıq şəkildə təsdiqlənmiş ilk müqavilədir. (Tass)