Rusiya diplomatlarının Norveçdən çıxarılmasından söhbət gedə bilməz. Bu barədə “Frans Press” agentliyinə Norveç Xarici İşlər Nazirliyinin mətbuat katibi məlumat verib.
Norveç Xarici İşlər Nazirliyi “bir müddətdir ki, Rusiya ilə dialoq apardığını” təsdiqləyib. “Söhbət [Rusiya] diplomatlarının ölkədən çıxarılmasından getmir”, – agentlik Xarici İşlər Nazirliyinin mətbuat katibinin sözlərindən sitat gətirir.
Bundan əvvəl Rusiyanın Norveçdəki səfirliyi Norveç hakimiyyətinin tələbləri ilə əlaqədar diplomatik heyətin ixtisar edildiyini açıqlamışdır. (Tass)