Bu il Norveç hökuməti krallığın müdafiə xərclərini 7 milyard kron (indiki məzənnə ilə 632 milyon dollar) artıracaq və NATO-nun hərbi ehtiyaclar üçün ayrılmalı olan ölkənin ÜDM-nin 2%-i hədəfinə çatacaq. Bu barədə krallığın hökumət başçısı Yonas Qahr Stör məlumat verib.
Beləliklə, Norveçin illik müdafiə büdcəsi 104 milyard krona (9,38 milyard dollar) çatacaq. Yaxın 12 ildə hərbi ehtiyaclar üçün daha 600 milyard kron (54,14 milyard dollar) ayrılması planlaşdırılır və 2036-cı ildə illik müdafiə büdcəsinin 166 milyard kron (təxminən 15 milyard dollar) təşkil edəcəyi gözlənilir. (Tass)
