Ağdərə rayonunun Həsənriz kəndinə və Ağdam rayonunun Sarıcalı kəndinə yola salınan növbəti köç karvanıarı artıq bu kəndlərə çatıb, açarlar sakinlərə təqdim olunub
“Report”un Qarabağ bürosunun Ağdərəyə ezam olunan əməkdaşı xəbər verir ki, açarların təqdim edilməsi mərasimində Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin əməkdaşları, Qaçqınların və Məcburi Köçkünlərin İşləri üzrə Dövlət Komitəsinin rəsmiləri iştirak ediblər
Bununla da Həsənrizə köçürülən ailələrin sayı 130-a (452 nəfər), Sarıcalıya köçürülən ailələrin sayı isə 186-ya (775 nəfər) çatıb.