Moldova ilə sərhəddə yerləşən Odessa vilayətində 11 Ukrayna sakini saxlanılıb. Bu barədə Ukrayna Dövlət Sərhəd Xidməti məlumat yayıb.
Departamentin Telegram kanalında yayılan mesajda deyilir: “Qayda pozanlar iki avtomobillə dolama yolları ilə Moldovaya doğru gedirdilər.
Saxlanılan hərbi xidmətdən yayınanları inzibati cərimə gözləyir. “Sürücülər transsərhəd kanalın təşkilatçıları kimi cinayət məsuliyyəti daşıyırlar, onlardan biri artıq həbs edilib”, – Dövlət Sərhəd Xidmətindən bildirilib.
2022-ci ilin fevralından Ukraynada ümumi səfərbərlik elan edilib və dəfələrlə uzadılıb, eyni zamanda hakimiyyət hərbi yaşda olan kişilərin xidmətdən yayınmasının qarşısını almaq üçün əlindən gələni edir. Mayın 18-də ölkədə səfərbərliyin gücləndirilməsi ilə bağlı qalmaqallı qanun qüvvəyə minib və bu qanun daha yüz minlərlə ukraynalının orduya çağırılmasına imkan verir. Ukraynalı kişilər saxta sertifikatlardan istifadə edərək və ya qeyri-qanuni yolla ölkəni tərk etməyə çalışır, çox vaxt həyatlarını riskə atırlar. Onlar getdikcə daha çox üzgüçülüklə və ya dağlardan keçərək sərhədi keçməyə çalışırlar və sərhədçilər heyvan qiyafəsində gizlənən və kamuflyaj kostyumları geyinən qaçanları da saxlayıblar. (Tass)