İsrailin paytaxtı Təl-Əvivdə toplaşan minlərlə insan baş nazir Benyamin Netanyahunun istefasını və erkən seçkilərin keçirilməsini tələb edərək nümayiş keçirib. Nümayişçilər əllərində “Xain və oğru Netanyahu həbsxanaya getməlidir” və “Netanyahu, həyatımızdan get” şüarları qaldırıb və “ İndi seçki ” kimi şüarlar səsləndiriblər. Nümayişin keçirildiyi Həbimə meydanında quraşdırılan nəhəng ekranda “İndi yeganə ümidimiz seçkilərdir” mesajı görünüb. Qəzzəyə edilən hücumlara qarşı olmadıqlarını deyən nümayişçilər Netanyahunu 7 oktyabrdan sonrakı prosesi “uğurla” həyata keçirməməkdə günahlandırıblar.
On minlərlə insanın istefaya çağırdığı Netanyahu: HƏMAS-dan qurtulmağı planlaşdırıram, amma işimdən qurtulmayacağam
Oktyabrın 7-dən bu yana Qəzzanı qan gölünə çevirən və 21 mindən çox fələstinlini qətlə yetirən İsrailin baş naziri Benyamin Netanyahu indi öz ölkəsində “persona non-qrata” elan edilib. Təl-Əvivdə minlərlə insanın keçirdiyi etiraz aksiyası ilə istefaya dəvət edilən Netanyahu susqunluğunu pozub. “Mən HƏMAS-dan qurtulmağı planlaşdırıram, amma işimi tərk etməyəcəyəm”, – Netanyahu bildirib.
“BİZ NETANYAHUNU KÖTÜRMƏK ÜÇÜN BURADIK”
Raphael Malinovitz: “Biz Netanyahunun vəzifədən sui-istifadə ittihamı ilə istefaya göndərilməsini tələb etmək üçün buradayıq”. dedi. Malinovitz İsrail təhlükəsizlik bölmələrinin HƏMAS-ın 7 oktyabrda İsrailə qarşı həyata keçirdiyi “Əqsa tufanı” hücumunun məsuliyyətini öz üzərinə götürdüyünü bildirib və Netanyahunu baş verənlərə görə məsuliyyəti öz üzərinə götürməməkdə günahlandırıb.
İSRAİLDƏ ERNƏN SEÇKİLƏRİ İSTƏYİRLƏR
Nümayişçilərdən Sara Abraham Netanyahu hökumətini İsraildə “demokratiyanı məhv etməkdə” günahlandırdı və erkən seçki istədiklərini qeyd etdi . Abraham deyib ki, oktyabrın 7-də baş verənlər Netanyahu hökumətinin xalqa və təhlükəsizliyə əhəmiyyət verməkdənsə, diqqətini özlərinə və onların korrupsiyasına yönəltdiyini ortaya qoyub.
Ölkə boyu etiraz edilən və istefası tələb olunan Netanyahu susqunluğunu pozub. İsrail ordusunun HƏMAS-ı devirmək üçün apardığı hərbi kampaniya sona çatdıqdan sonra istefa verməyi planlaşdırıb-qalmayacağı sualına Netanyahu cavab verib; “HƏMAS-dan qurtulmağı planlaşdırıram, amma işimdən qurtulmayacağam”- deyib.