Macarıstanın baş naziri Viktor Orban hesab edir ki, Avropa İttifaqı “Darvinist an” yaşayır – lakin bu, təkamüllə bağlı deyil, tənəzzüllə bağlıdır.
Bir müddət əvvəl Britaniyanın “Financial Times” qəzeti yazıb ki, Aİ Macarıstana təzyiqi artırmaq niyyətindədir, çünki bu ölkənin xüsusi siyasəti bütün cəmiyyətə zərər verir, bunun üçün “ya uyğunlaşacağı, ya da öləcəyi” Darvinist anı gəlib çatıb.
“Financial Times bir məsələdə haqlıdır: Avropa Darvinist an yaşayır. Onlar Aİ-ni dinc layihədən hərbi layihəyə çevirmək istəyirlər. Bu təkamül deyil, bu çürümədir. Bizi cəzalandırmaq istəsələr belə, müqavimət göstərməliyik”, – Orban X-də yazıb.
Aİ-nin Brüsseldə keçirilən sonuncu sammitində Macarıstan Ukrayna ilə bağlı ölkəyə hərbi yardımın davam etdirilməsini təmin edəcək və onun Aİ-yə üzvlüyünü sürətləndirəcək ümumi bəyanatı dəstəkləməkdən imtina edib. Bu, Brüsseldə hədsiz narazılıq və çaşqınlıq yaradıb, onlar hələ qaydalara uyğun olaraq konsensusla qəbul edilməli olan qərarlara Macarıstanın vetosundan necə yan keçəcəyini müəyyən etməyiblər.