NATO ölkələri Rusiyanın hücum təhlükəsi altında deyil, amma Ukraynada onların arasında bufer zonası olsa, daha yaxşı olardı. Bu fikri Macarıstanın baş naziri Viktor Orban Avstriyanın keçmiş kansleri (2000-2007-ci illər) Volfqanq Şussel ilə Avropanın yeni ingilisdilli “ European Voices” jurnalında dərc olunan və Macarıstan mətbuatında yer alan söhbətində bildirib.
“Rusiyanın NATO üzvü olan ölkəyə hücumu təhlükəsi yoxdur”, – Orban deyib. Ukrayna ilə bağlı danışarkən o, həmçinin qeyd edib ki, “Rusiya heç vaxt bu ölkənin NATO-ya daxil olmasına razı olmayacaq”, çünki bu, alyansın Rusiya sərhədlərinə yaxınlaşması deməkdir.
Macarıstanın baş naziri siyasi xəritəyə baxmağı təklif etdi və bildirdi ki, Rusiyanın bilavasitə qonşusu kimi Ukrayna üçün “təhlükəsizlik zəmanəti ilə bufer zona” yaratmaq ideal olardı, çünki bu baş verməsə, ukraynalılar öz ölkələrini itirə bilərlər.
Şussel onunla razılaşmayaraq, Qərbin dərhal Ukrayna ilə təkcə Avropa İttifaqına deyil, həm də NATO-ya qoşulması ilə bağlı danışıqlara başlamalıdır.
(Tass)