Macarıstan Aİ Şurasına sədrliyi dövründə Ukraynadakı münaqişənin həlli üçün sülhməramlı missiyanı öz üzərinə götürüb, lakin bütün Avropa İttifaqı adından deyil, müstəqil şəkildə hərəkət edib. Bunu Budapeştdə ilin yekunlarına dair mətbuat konfransında çıxış edən Macarıstanın Baş naziri Viktor Orban deyib.
O qeyd edib ki, “Rusiya-Ukrayna müharibəsində Avropanın strategiyasının necə olması ilə bağlı Aİ-də dərin fikir ayrılıqları var” və buna görə də Budapeşt 2024-cü ilin ikinci yarısında sədrliyi dövründə bu məsələdə bütün üzv dövlətləri təmsil edə bilməz. Orbanın sözlərinə görə, onun “əlləri sadəcə bağlanıb” və buna görə də “Macarıstanın sülh təşəbbüsləri Aİ Şurasına sədrlikdən ayrılıb”. (Tass)