Rusiya qazının Avropaya axmağa davam etdiyi “Türk axını” qaz kəmərinin təhlükəsizliyi bütün vasitələrlə təmin edilməlidir. Bunu Macarıstanın baş naziri Viktor Orban Kossuth radiostansiyasının səhər proqramında çıxışı zamanı deyib.
“Türk axını” ilə bağlı sual ona Ukrayna Silahlı Qüvvələrinin Krasnodar diyarında qazı bu kəmərlə tədarük edən “Russkaya” kompressor stansiyasına son hücumu ilə bağlı verilib. “Hər nəyin bahasına olursa olsun – sözün əsl mənasında deyirəm, nəyin bahasına olursa olsun, biz Macarıstan iqtisadiyyatını qidalandıran bu [yanacaq] arteriyasının məhvinin qarşısını almalıyıq”, – hökumət başçısı cavab verib.
O vurğulayıb ki, əks halda Macarıstan 2025-ci ildə iqtisadi artımı təmin edə bilməyəcək, buna Ukraynadakı münaqişənin həlli perspektivi ilə bağlı ümid etmək olar.
