Ukrayna Avropa Birliyinə üzv ola bilməyəcək, çünki bu, indiki formada cəmiyyətə son qoyacaq, NATO-ya üzv ola bilməyəcək, çünki bu, alyansla Rusiya arasında münaqişəyə səbəb olacaq. Bunu Macarıstanın baş naziri Viktor Orban öz tərəfdarları, o cümlədən hakim FİDES-Macar Vətəndaş Birliyi partiyasının fəalları ilə qapalı iclasda çıxışı zamanı deyib.
O qeyd edib ki, Ukraynanın tələsik Aİ-yə daxil olması “yeni kreditlər demək olardı”. İclasın məzmununu öyrənən hökumətyönlü “Magyar Nemzet” qəzeti Orbandan sitat gətirib: “Ukraynanın artıq pulu yoxdur, ona görə də Avropa ölkələri Ukraynanın pensiyalarını, Ukraynanın dövlət sektoru işçilərinin maaşlarını və Ukrayna ordusunu maliyyələşdirəcək.
Onun sözlərinə görə, baş nazir Ukraynanın Şimali Atlantika Alyansına qoşulmaq istəyindən də danışıb. “Ukrayna NATO-nun üzvü ola bilməz, çünki bu, NATO ilə Rusiya arasında daimi müharibə təhlükəsi deməkdir”, – Orban deyib.
Hökumət başçısı 2026-cı ildə Macarıstanda keçiriləcək parlament seçkiləri üçün Fides-ə dəstək məqsədilə sosial şəbəkələrdə yaradılmış “Döyüş Klubu”nun üzvləri ilə qapalı görüşdə danışıb. Bu ad, baş rolları Edvard Norton və Bred Pittin oynadığı rejissor Devid Finçerin çəkdiyi “Döyüş klubu” (1999) kult filminə birbaşa istinad edir. (Tass)