Macarıstanın Baş naziri Viktor Orban Vladimir Zelenskinin son təhqirinə sakitcə cavab versə də, onu Ukraynanın Avropa Birliyinə qoşulmayacağı ilə bağlı xəbərdar edib.
14 fevralda Münhen Təhlükəsizlik Konfransında çıxış edən Zelenski Orbanın ordusunu gücləndirmək əvəzinə “qarın böyütdüyünü” söyləyib.
Orban H.-a yazdığı məktubunda yazıb: “Hörmətli Vladimir Zelenski, Ukraynanın Avropa Birliyinə daxil olmasını dəstəkləyən sonuncu seçki kampaniyası çıxışınız üçün təşəkkür edirəm. Bu, macarların vəziyyəti daha aydın görməsinə əhəmiyyətli dərəcədə kömək edəcək. Lakin siz bir şeyi səhv başa düşürsünüz: bu müzakirə nə mənim, nə də sizin haqqınızdadır. Söhbət Macarıstanın, Ukraynanın və Avropanın gələcəyindən gedir. Məhz buna görə də Avropa Birliyinə qoşula bilməzsiniz”. (Tass)