2024-cü ildə Naxçıvan Muxtar Respublikasında 382 milyon 206 min 200 manatlıq kənd təsərrüfatı məhsulu istehsal olunub.
Bu barədə Muxtar Respublikanın Dövlət Statistika Komitəsindən “Report”un yerli bürosuna məlumat verilib.
Bildirilib ki, 2023-cü illə müqayisədə muxtar respublikanın kənd təsərrüfatının ümumi məhsulu istehsalı 2 % artıb.
Bunun 208 milyon 673 min 100 manatı bitkiçilik sahəsi üzrə, 173 milyon 533 min 100 manatı isə heyvandarlıq sahəsi üzrə olub. Ötən illə müqayisədə bitkiçilik məhsulları istehsalı 2,3 %, heyvandarlıq məhsulları istehsalı 1,6 % artıb.