Ermənistan və Azərbaycan öz milli ərazisindən keçən marşrutlar üzərində suverenliyə və yurisdiksiyaya malik olmalıdırlar, XİN-in sözçüsü Mariya Zaxarova regionda kommunikasiyaların açılmasını şərh edərkən bildirib.
“Ermənistan və Azərbaycan bir-birinin ərazi bütövlüyünü tanıyıb. Onlar praktiki fəaliyyətlərində bu prinsipi rəhbər tutacaqlar. Bunu tərəflər bəyan ediblər”, – Zaxarova bildirib.
Onun sözlərinə görə, Rusiya tərəfi Zaqafqaziyada sabit vəziyyətin olmasında maraqlıdır. O, bütün mübahisəli məsələlərin müstəsna olaraq siyasi və diplomatik yollarla həllinin tərəfdarıdır.
Regionda nəqliyyat kommunikasiyalarının bloklanması mövzusuna gəlincə, bu məsələ Rusiya, Azərbaycan və Ermənistan baş nazirlərinin müavinlərinin həmsədrlik etdiyi üçtərəfli işçi qrupu vasitəsilə ən diqqətlə nəzərdən keçirilir. Zaxarovanın sözlərinə görə, Moskva əmindir ki, məhz bu formatda qarşılıqlı məqbul həll yolu tapılmalıdır.
Rusiya Xarici İşlər Nazirliyinin rəsmi nümayəndəsi Azərbaycan prezidenti İlham Əliyevin Sovet hakimiyyətinin Azərbaycanın Naxçıvanla əlaqəsini kəsərək “Qərbi Zəngəzuru” Ermənistana verməsi ilə bağlı bəyanatlarına münasibət bildirməyib. Onun sözlərinə görə, Rusiyada yaxşı tanınan tarixə deyil, yer üzündə dinamik inkişaf edən vəziyyətə üstünlük verilməlidir. (Sputnik Armenia)
