Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən özünüməşğulluq proqramı iştirakçılarının aktivlərlə təminatı işləri davam etdirilir.Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, son bir həftədə Bakı və regionlarda 600-dək işsiz və işaxtaran şəxs həmin proqram çərçivəsində mal və materiallar formasında aktivlərlə təmin olunub.Verilmiş aktivlər hesabına həmin şəxslər üçün kənd təsərrüfatı, istehsal və xidmət sahələri üzrə kiçik təsərrüfatlar qurulub.Proqrama cəlb olunanlar üçün ilk mərhələdə kiçik biznesin təşkili və idarə olunmasına dair bilik və bacarıqların öyrədildiyi təlimlər təşkil olunur. Təlimlərdən sonra onlar biznes planlarına uyğun aktivlərlə təmin edilirlər.
