Pakistan hakimiyyəti Qəzza zolağındakı vəziyyətdən narahatdır, İsrailin təcavüzünü pisləyir və münaqişə zonasında humanitar dəhlizlərin yaradılmasına çağırır. Bunu Pakistan Xarici İşlər Nazirliyinin rəsmi nümayəndəsi Mümtaz Zəhra Bəluç həftəlik brifinq zamanı deyib.
“Biz dərhal atəşkəs və Qəzzanı mühasirəyə almağı dayandırmağa, humanitar yardımın sərbəst axını üçün humanitar dəhlizlərin yaradılmasına kömək etməyə çağırırıq” deyib.
“Qəzzada kritik humanitar vəziyyəti nəzərə alaraq, Pakistan fələstinli qardaş və bacılarımıza humanitar yardım göndərəcək. 100 ton zəruri tibbi ləvazimat, çadır və ədyal daşıyan çarter reysi bu gün günorta İslamabaddan Qahirəyə yola düşəcək. Qəzza xalqına təhvil veriləcək”, – Bəluç əlavə edib. (Tass)
