Pakistan qüvvələri Hindistan ordusunun piyada briqadasının batalyonunun qərargahına hücum edərək komanda məntəqəsini məhv edib. Bunu İslamabadda keçirdiyi brifinqdə Pakistan Müdafiə Nazirliyinin İctimaiyyətlə Əlaqələr İdarəsinin direktoru general Əhməd Çauxdri deyib.
Dawn qəzeti Çaudridən sitat gətirir: Pakistan ordusu Hindistanın təcavüzünə tam cavab verdi və Hindistan Silahlı Qüvvələrinin briqadasının batalyonunun qərargahını məhv etdi, oradan Hindistan qoşunlarının Kəşmirdə Nəzarət Xəttində atəşkəsi pozması koordinasiya olunurdu” .
Onun sözlərinə görə, Pakistan Kəşmirin Çhatri, Jura və Sarlia rayonlarında Hindistanın bir neçə hərbi postuna zərbələr endirib, həmçinin İslam Respublikası ərazisində hava hücumlarında iştirak edən Hindistan Hərbi Hava Qüvvələrinə məxsus 5 döyüş təyyarəsini vurub. “Biz heç bir Hindistan təyyarəsinin Pakistanın hava məkanını pozmasına icazə verməmişik, heç bir Pakistan təyyarəsi Hindistan sərhədini pozmayıb”, – general əlavə edib. Hindistanın hava hücumları nəticəsində 26 pakistanlı ölüb, 46 nəfər yaralanıb. (Tass)