Pakistan Qəzza zolağında Əl Əhli xəstəxanasına edilən hücumu qətiyyətlə pisləyir və beynəlxalq ictimaiyyəti münaqişəyə dərhal son qoymaq üçün addımlar atmağa çağırır. Bu barədə Respublika Xarici İşlər Nazirliyinin mətbuat xidmətinin məlumatında deyilir.
“Pakistan İsrailin Qəzzada yüzlərlə insan itkisi ilə nəticələnən Əl-Əhli Əl-Maadani xəstəxanasına hücumunu ən kəskin şəkildə pisləyir. Mülki əhalinin sığınacaq və təcili yardım axtardığı xəstəxanaya hücum qeyri-insanidir və buna haqq qazandırmaq olmaz” bəyanatda deyilir.
Qeyd olunur ki, mülki şəxslərə və obyektlərə hücumlar beynəlxalq hüququn ciddi şəkildə pozulmasıdır və hərbi cinayətlər kimi təsnif edilir.
Pakistan Xarici İşlər Nazirliyinin bəyanatında deyilir: “Biz beynəlxalq ictimaiyyəti İsrailin Qəzzanı bombalamasına və mühasirəsinə dərhal son qoymaq üçün təcili tədbirlər görməyə çağırırıq”. (Tass)
