Pakistanda bir sıra tanınmış siyasətçilər və ictimai xadimlər ölkə hökumətini ABŞ prezidenti Donald Trampın 2026-cı ildə Nobel Sülh Mükafatına namizədliyi ilə bağlı tövsiyəsini geri götürməyə çağırıb.
Press Trust of India- nın məlumatına görə , pakistanlı siyasətçilər hesab edirlər ki, İslamabadın Trampın Nobel Sülh Mükafatına namizədliyi ilə bağlı tövsiyəsi onun İranı bombalamaq əmrindən sonra ən azı yersizdir. Agentlik “Camiat Ulema-e-Islam” partiyasının lideri Maulana Fəzlur Rəhmandan sitat gətirib: “ABŞ prezidentinin öz sülh səyləri ilə bağlı iddialarının yalan olduğu sübuta yetirilib. Pakistanın Trampın Nobel Sülh Mükafatına namizədliyi geri götürülməlidir”. “Tramp İsrailin Fələstinə, Suriyaya, Livana və İrana hücumlarını dəstəkləyib. Bunu onun sülh istəyi kimi necə qiymətləndirmək olar?”
Keçmiş senator Məşahid Hüseyn İrana zərbə endirmək qərarını ABŞ prezidentinin vəzifəyə gəldikdən sonra “ən böyük səhvi” adlandırıb. Siyasətçi X sosial şəbəkədə yazıb: “Tramp İrana qarşı müharibəyə başlayandan sonra sülhməramlı sayıla bilməz. Pakistan hökuməti Trampın Nobel Sülh Mükafatına namizədliyini geri götürməlidir”.