Pakistan və Əfqanıstan arasında atəşkəs 24 mart yerli vaxtla saat 00:00-da (23 mart Bakı vaxtı ilə saat 23:00) başa çatıb. Tərəflərdən heç biri atəşkəsin uzadılması barədə açıqlama verməyib.
Martın 20-də Əfqanıstan Baş Qərargah rəisi Qari Fasihuddin Fitrat Pakistan qüvvələrinin atəşkəsi pozduğunu bildirib. O, Pakistanın sərhəd bölgələrindəki hücumları nəticəsində bir neçə mülki şəxsin öldüyünü iddia edib. İslamabad atəşkəsin pozulması ittihamını rədd edib.
Fevralın 26-sı axşamı Pakistan-Əfqanıstan sərhədində döyüşlər yenidən başladı. Kabil Pakistanın Əfqanıstan ərazisinə son hava hücumlarına cavab olaraq hərbi əməliyyat keçirdiyini açıqladı. Pakistanın müdafiə naziri Xavaca Asif ölkəsinin Əfqanıstandakı Taliban hökuməti ilə hazırda açıq silahlı münaqişə vəziyyətində olduğunu açıqladı.