Pakistanın keçmiş baş naziri Navaz Şərif mövqeyini dəyişib və koalisiya hökuməti qurmağa çalışacağını bildirib. Bu barədə Associated Press məlumat yayıb.
Onun sözlərinə görə, Şərif tərəfdarlarına kiçik qardaşını və keçmiş baş nazir Şahbaz Şərifi digər partiyaların liderləri ilə görüşməyə və onları koalisiyaya qoşulmağa dəvət etməyə göndərdiyini deyib. “Bizim başqalarının dəstəyi olmadan hökumət qurmaq üçün kifayət qədər böyük səs çoxluğumuz yoxdur və biz müttəfiqlərimizi koalisiyaya qoşulmağa dəvət edirik ki, Pakistanı problemlərindən çıxarmaq üçün birlikdə işləyə bilək”, – Nəvaz Şərif deyib. “Bütün məsələləri həll etmək üçün birlikdə oturmalıyıq”, – deyə siyasətçi əlavə edib.
Agentlik qeyd edib ki, keçmiş baş nazir bir gün əvvəl koalisiya ideyasını rədd etmiş və Pakistanın bütün beş illik müddət ərzində bir partiya tərəfindən idarə olunmasını istədiyini iddia etmişdi.
Fevralın 8-də Pakistan Milli Assambleyasına (parlamentin aşağı palatası) və əyalət qanunvericilik orqanlarına seçkilər keçirilib. Səslərin hesablanması davam edir. Yekun nəticələr gün ərzində elan edilməlidir. (Tass)