Yermakın başçılıq etdiyi Ukrayna və Avropa ölkələrinin nümayəndə heyətlərinin Parisdə görüşü ABŞ nümayəndələrinin iştirakı olmadan baş tutub, baxmayaraq ki, onlar artıq Fransa paytaxtına gəliblər.
Ukrayna Xarici İşlər Nazirliyinin məlumatına görə, Kiyev nümayəndələri – Yermak, eləcə də xarici işlər və müdafiə nazirləri Andrey Sibiha və Rustem Umerov Fransa, Almaniya və Böyük Britaniya liderlərinin milli təhlükəsizlik üzrə müşavirləri Emmanuel Bonn, Yens Ploetner və Conatan Pauel ilə danışıqlar aparıblar. Əsas müzakirə mövzuları münaqişənin həlli, atəşkəsin mümkünlüyü, Avropa ölkələrinin öz kontingentini Ukraynaya göndərmək planları olub.
ABŞ nümayəndələri – dövlət katibi Marko Rubio və prezident Donald Trampın xüsusi nümayəndəsi Stiven Vitkoff bu görüşdə iştirak etməyiblər, baxmayaraq ki, Yermak əvvəllər onlarla təmaslar barədə danışıb. Kiyev nümayəndələri hələlik Amerika nümayəndə heyəti ilə görüşün tarixlərini açıqlamayıblar. (Tass)