Ermənistanın baş naziri Nikol Paşinyan və Avropa İttifaqının Cənubi Qafqaz üzrə xüsusi nümayəndəsi Toivo Klaar Yerevanda keçirilən görüşdə Ermənistanla Azərbaycan arasında sərhədin delimitasiyası məsələsini qaldırıblar.
Ermənistan Nazirlər Kabinetinin mətbuat xidmətinin məlumatına görə, tərəflər həmçinin regional vəziyyəti , Ermənistan və Azərbaycan arasında sülh müqaviləsi üzrə danışıqları müzakirə ediblər. Klaar qeyd edib ki, Aİ 1991-ci il Alma-Ata Bəyannaməsi əsasında hərtərəfli və davamlı nizamlanma məqsədi ilə Ermənistan-Azərbaycan danışıqlar prosesini tam dəstəkləyir.
Ermənistan hakimiyyəti Azərbaycanla Tavuş bölgəsində sərhədlərin delimitasiyasına başlanmasının mümkünlüyü barədə danışıqlar aparır. Azərbaycan SSR-in tərkibində olan dörd kənd Bakıya gedəcək. Rusiyadan Gürcüstan ərazisindən Ermənistana keçən qaz kəməri, eləcə də dövlətlərarası magistralın Gürcüstanla olan hissəsi də Azərbaycanın nəzarətinə keçə bilər.
Müxalifət Paşinyanı birtərəfli güzəştlərdə ittiham edir, çünki respublika hakimiyyəti Azərbaycan Silahlı Qüvvələrinin Ermənistana məxsus ərazilərdən çıxarılmasına zəmanət vermir. İrəvandan verilən məlumata görə, onlar 2021 və 2022-ci illərdə silahlı toqquşmalar nəticəsində işğal olunub. (Tass)