Ermənistanın baş naziri Nikol Paşinyan hesab edir ki, Azərbaycan Ermənistanla sülh sazişi imzalamağa meylli deyil.
“Daim yeni tələblərin irəli sürülməsi göstərir ki, Azərbaycan sülh müqaviləsi imzalamağa meylli deyil”, – o, respublika parlamentində hökumət saatında deyib. O, həmçinin əlavə edib ki, “bu, Ermənistanın sülhə nail olmaq siyasətini və iradəsini dəyişmir”.
Bundan əvvəl Ermənistanın baş naziri İrəvan və Bakının sülh sazişinin 80%-i üzrə razılığa gəldiyini bildirib və Azərbaycanı bu məqamları imzalamağa dəvət edib. (Tass)