Ermənistanla Azərbaycan arasında sülh müqaviləsinin imzalanması regionda sülhün bərqərar olmasına səbəb olacaq. Bunu Ermənistanın baş naziri Nikol Paşinyan Tbilisidə gürcüstanlı həmkarı İrakli Qaribaşvili ilə danışıqlardan sonra keçirilən brifinqdə deyib.
“Biz hamılıqla qəbul edilmiş prinsiplərə əsaslanan sülh sazişi (Azərbaycanla – TASS-ın qeydi) üzərində razılaşdıqda və imzaladıqda, yalnız bundan sonra regionda sülh əldə olunacaq”, – deyə Paşinyan əlavə edib ki, saziş üzərində iş hələ də davam edir.
Paşinyan cümə günü Tbilisiyə işgüzar səfərə gəlib. O, artıq Gürcüstanın baş naziri ilə təkbətək danışıqlar aparıb. Daha sonra tərəflər Ermənistan və Gürcüstan arasında iqtisadi əməkdaşlıq üzrə hökumətlərarası komissiyanın 13-cü iclasını keçiriblər. (Tass)