Ermənistanın baş naziri Nikol Paşinyan hesab edir ki, erməni cəmiyyətinin kollektiv şüuraltı “anti-dövlət”dir.
“Kollektiv sosial düşüncəmiz, başqa sözlə desək, şüuraltımız anti-dövlətdir. Bizim indiki sosial psixologiyamız, sosial psixologiyamızın genetikası mahiyyətcə biz müstəmləkə, subyekt olanda formalaşıb. Yaşadığımız ölkələr bizə yad idi. Və beləliklə, ən azı 600 il bizim özümüz tərəfindən deyil, özümüzə dayatılan dövlətlərdə yaşadıq, ona görə də bizim ilk reaksiyamız, hətta bu dövləti yaratsaq da, dövlətdən qurtulmaq istəyidir”. o, parlamentdə çıxışı zamanı deyib.
Bir müddət əvvəl Nikol Paşinyan bu gün “tarixi Ermənistan”dan fərqli olaraq “əsl Ermənistanın yaradıldığını” bildirərək, erməni xalqını dövlət haqqında “tarixi” fikirlərdən əl çəkməyə çağırıb. (Tass)