Həbsdə olan rusiyalı biznesmen Samvel Karapetyana məxsus “Ermənistanın Elektrik Şəbəkələri” şirkətinin milliləşdirilməsi planı artıq hazırdır və tezliklə praktiki mərhələyə keçəcək. Bu barədə ölkənin baş naziri Nikol Paşinyan məlumat verib.
“Ermənistanın Elektrik Şəbəkələri QSC-nin milliləşdirilməsi planı hazırdır. Biz tezliklə praktiki mərhələyə keçəcəyik. Proseslər Ermənistan Respublikasının qanunvericiliyinə uyğun olaraq həyata keçiriləcək”, – o, özünün Facebook səhifəsində yazıb.
Bundan əvvəl Paşinyan, özünün dediyi kimi, erməni xalqına dəymiş ziyanı ödəməsə, şirkətin milliləşdirilməsinin mümkünlüyünü istisna etməyib. İyunun 21-nə qədər vaxt verib, hansı ziyandan danışdığını açıqlamayıb. Daha sonra Ermənistanın Dövlət Xidmətlərini Tənzimləmə Komissiyası (PSRC) Karapetyanın “Ermənistanın Elektrik Şəbəkələri” şirkətini aşkar etdiyi pozuntulara görə 10 milyon dram (təxminən 26 min dollar) məbləğində cərimələdiyini açıqlayıb.
Öz növbəsində, “Ermənistanın Elektrik Şəbəkələri” QSC-nin mətbuat katibi Natalya Sarcanyan TASS-a bildirib ki, şirkət Ermənistanın baş naziri Nikol Paşinyanın müəssisəni milliləşdirmək istədiyi zərər barədə məlumatlı deyil. (Tass )