Ermənistanın baş naziri Nikol Paşinyan leysan yağışların daşqınlara səbəb olduğu Ermənistanın şimalındakı fəlakət zonasına gedib . Bu barədə Ermənistan Nazirlər Kabinetinin mətbuat xidməti məlumat yayıb.
“Kütləvi informasiya vasitələrinin sorğularına cavab olaraq bildiririk ki, baş nazir Nikol Paşinyan bu gün səhər saatlarında iş yerində daşqının nəticələri ilə bağlı Daxili İşlər Nazirliyinin hesabatlarını dinləyib və təbii fəlakət zonasına gedib”, – deyə departament qeyd edib. Aydınlaşdırılır ki, səhər saatlarından ərazi idarəetmə və infrastruktur naziri Qnel Sanosyan və daxili işlər nazirinin müavini – Xilasetmə Xidmətinin direktoru Kamo Tsutsulyan daşqın yerindədirlər. (Tass)