Ermənistanın baş naziri Nikol Paşinyan Rusiya prezidenti Vladimir Putinlə Moskvada MDB iştirakçısı olan ölkələrin dövlət başçılarının sammiti çərçivəsində keçirilən danışıqları müsbət qiymətləndirib. Bu barədə Ermənistan Nazirlər Kabinetinin rəhbərinin mətbuat katibi Nazeli Baqdasaryan məlumat verib.
“Baş nazir Paşinyan Rusiya prezidenti ilə görüşün nəticələrini müsbət qiymətləndirir, geniş spektrli məsələlər müzakirə olunub, enerji, təhsil və humanitar sahələrlə bağlı konkret razılaşmalar əldə olunub”, – deyə o qeyd edib. (Tass)