Ermənistanın baş naziri Nikol Paşinyan Rusiya prezidenti Vladimir Putinlə danışdıqdan sonra Fransa lideri Emmanuel Makrona zəng edərək Vaşinqtondakı görüşdən danışıb.
“Baş nazir avqustun 8-də ABŞ-ın paytaxtı Vaşinqtonda aparılmış danışıqların nəticələrini, o cümlədən “Ermənistan və Azərbaycan arasında sülh və dövlətlərarası münasibətlərin qurulması haqqında Saziş”in paraflanması, ATƏT-in Minsk Qrupu mexanizmlərinin ləğvi, regional kommunikasiyaların blokadasının açılması, ərazi prinsipləri, ərazi bütövlüyü və beynəlxalq hüquq normaları çərçivəsində ATƏT-ə birgə müraciəti Fransa Prezidentinə təqdim edib. Həmçinin “Beynəlxalq Sülh və Rifah üçün Tramp Yolu” layihəsi”, – deyə məlumatda bildirilir.
Baş nazir Paşinyan vurğulayıb ki, qurulan sülh Ermənistan və region üçün yeni investisiya imkanları açır. “Həmsöhbətçilər ikitərəfli və beynəlxalq gündəm üzrə fəal siyasi dialoqu davam etdirməyə qarşılıqlı hazır olduqlarını bildiriblər. Baş nazir Paşinyan davamlı dəstəyə görə prezident Makrona təşəkkür edib”, – press-relizdə deyilir.
Bundan əvvəl Paşinyan Vladimir Putinlə telefonla danışıb və Rusiya liderinə ABŞ-dakı danışıqların nəticələri barədə danışıb. (Tass)