Ermənistanın baş naziri Nikol Paşinyan Dağlıq Qarabağdan olan məcburi köçkünlərin yaşayış xərclərini kompensasiya etmək üçün proqram elan edib.
Hər bir ailənin yaşayış xərclərini ödəmək üçün ayda adambaşına 40.000 dram (100 ABŞ dolları), üstəlik bütün kommunal xərclər üçün adambaşına daha 10.000 dram (25 ABŞ dolları) ayrılacaq. Bu proqram oktyabrın 1-dən başlayır və ən azı altı ay qüvvədə olacaq. Proqrama yaşından asılı olmayaraq bütün məcburi köçkünlər cəlb olunacaq”, – Paşinyan özünün Facebook səhifəsində yazıb.
O qeyd edib ki, kompensasiya proqramı Ermənistanda mənzili olan ailələrə, həmçinin xüsusi qayğı mərkəzlərində olan və kirayə mənzil ala bilməyən şəxslərə şamil edilməyəcək. Paşinyan xatırladıb ki, gələn həftədən Qarabağdan olan qaçqınlara 100 min dram (təxminən 250 dollar) məbləğində birdəfəlik maddi yardım ödənilməyə başlayacaq. (Tass)