Ermənistanın baş naziri Nikol Paşinyan və Azərbaycan prezidenti İlham Əliyev Almaniya kansleri Olaf Şolzun iştirakı ilə Münhendə keçirilən görüşdə sülh sazişinin əldə edilməsi istiqamətində işi davam etdirmək barədə razılığa gəliblər. Bu barədə Ermənistan Nazirlər Kabinetinin mətbuat xidməti məlumat yayıb.
“Ermənistan-Azərbaycan münasibətlərinin həlli prosesi, regionda sülhün və sabitliyin təmin edilməsinə yönəlmiş addımlar müzakirə edilib. Sülh müqaviləsi üzərində işlərin davam etdirilməsi ilə bağlı razılıq əldə olunub”, – məlumatda deyilir. (Tass)
