Pekində terrorla mübarizə üzrə “Böyük Çin Səddin – 2024” adlı beynəlxalq forum açılıb.
Tədbir Çin Xalq Silahlı Qüvvələrinin (daxili qoşunların analoqu) komandanlığı tərəfindən keçirilir. Foruma Çindən və 50-dən çox ölkədən 300-dən çox iştirakçı gəlib.
“Terrorizm insan hüquqlarını pozur, dünya sülhünü ciddi şəkildə təhdid edir, yeni texnologiyalara təhlükə yaradır və bəşəriyyətin ümumi düşmənidir”, – Çin Xalq Silahlı Qüvvələrinin komandiri general Van Çunninq forumun açılışında deyib.
O, çıxışı zamanı terrorizmin qarşısının alınması və onunla mübarizə üsullarına xüsusi diqqət yetirib. General bir sıra təkliflər irəli sürərək, xaricdəki həmkarlarını, o cümlədən terrorizmlə mübarizədə yeni texnologiyalardan istifadə sahəsində sıx əməkdaşlığa çağırıb.