ABŞ Müdafiə Nazirliyi qanunvericilər 2024-cü il üçün hərbi maliyyələşdirməni yekunlaşdırana qədər müdafiə layihələrinə 100 milyon dollar xərcləyə biləcək. Bu barədə “Defence News” nəşri 2024-cü maliyyə ili üçün (ölkədə oktyabrın 1-dən başlayıb) müdafiə büdcəsi layihəsinə istinadən məlumat yayıb.
Nəşr qeyd edib ki, bu qanun layihəsi müdafiə departamentinə Konqresin rəsmi təsdiqi olmadan bəzi hərbi proqramlar üzərində işə başlamağa imkan verəcək. Bununla belə, müəyyən bir layihənin həyata keçirilməsinə cavabdeh olan Pentaqonun departamentləri müdafiə nazirinə büdcənin təsdiqini gözləmədən bu proqramlar üzərində işə niyə dərhal başlamağa dəyər olduğunu, milli təhlükəsizliyin hansı ehtiyaclarını qarşıladığını və onların dəyərinin nə qədər olduğunu əsaslandırmalıdır.
Bundan əvvəl nəşrin yazdığına görə, ABŞ Hərbi Hava Qüvvələrinin katibi Frenk Kendall oxşar təşəbbüslə çıxış edib, lakin o, bu məqsədlər üçün 300 milyon dollar ayırmağı təklif edib. Nazir vurğuladı ki, Birləşmiş Ştatlar büdcənin razılaşdırılmasına sərf etdiyi vaxtı “Çinə güzəşt edir”. (Tass)