Pentaqonun sözçüsü mayor Çarli Dits Rusiyanın ABŞ-ın Ukraynadakı hərbi əməliyyatlarda iştirakı ilə bağlı bəyanatlarını şərh edərkən bildirib ki, Kiyev Rusiyaya zərbə endirərkən hədəfləri özü seçir.
“Ukrayna hədəf seçimi ilə bağlı öz qərarlarını verir və öz hərbi əməliyyatlarını həyata keçirir”, – deyə Reuters Ditsdən sitat gətirib.
Ağ Ev, Dövlət Departamenti və ABŞ Müdafiə Nazirliyi TASS-ın Sevastopola endirilən zərbəni şərh etmək istəyinə hələ cavab verməyib.
Bazar ertəsi Rusiyanın xarici işlər naziri Sergey Lavrov bildirib ki, ABŞ və Ukraynanın Sevastopoldakı terror aktında iştirakı şübhə doğurmur. (Tass)