ABŞ Müdafiə Nazirliyi yaxın bir neçə ay ərzində amerikalı hərbçilərin tam tərkibini – 1 min nəfəri Nigerdən çıxarmaq qərarına gəlib.
Bu barədə “Politico” qəzeti mənbələrə istinadən məlumat yayıb.
Aprel ayında Birləşmiş Ştatlar Nigerin Vaşinqtonla hərbi əməkdaşlıq sazişini ləğv edəcəyini söylədikdən sonra “nizamlı və məsuliyyətli qoşunların çıxarılması” planlarını müzakirə etməyə başlayacağını açıqlamışdı. Amerika rəsmiləri Afrika ölkəsi ilə geri çəkilmə şərtləri ilə bağlı məsləhətləşmələri davam etdirib və bəzi Amerika qoşunlarının ştatın ərazisində qala bilməsi ehtimalını müzakirə ediblər. (Tass)
