Pentaqonun Ukraynaya öz anbarlarından silah ötürmək imkanı var, lakin bu halda Kiyevə yardım üçün vəsait tükəndiyinə görə, Birləşmiş Ştatlar öz döyüş hazırlığını saxlamaqla bağlı “çətin qərarlar” qəbul etməli olacaq. Bunu jurnalistlər üçün keçirdiyi növbəti brifinqdə ABŞ ordusunun sözçüsü Patrik Rayder etiraf edib.
“Biz 2024-cü ildə Ukraynaya dəstək vermək üçün əlavə maliyyəyə ehtiyacımız olması barədə danışdıq. Rayder xatırladıb ki, Pentaqonun ABŞ prezidenti Co Baydenin keçmiş sərəncamlarına əsasən, Ukraynaya təxminən 4,4 milyard dollar dəyərində silah tədarük etmək imkanı var.Bundan başqa, hərbi departament nümayəndəsinin qeyd edib ki, amerikalıların ehtiyatını artırmaq üçün təxminən 1 milyard dolları qalır.
“Əlbəttə, bizim 4,4 [milyard dollar] vəsaitdən tam istifadə etmək imkanımız var. Amma bu, çətin seçimdir. Çünki son nəticədə öz döyüş hazırlığımız və Ukraynanın ehtiyac duyduğu dəstəyi davam etdirə biləcəyimiz barədə qərar qəbul etməliyik. Buna görə də biz Konqresi mümkün qədər tez əlavə maliyyələşdirmə tələbini təsdiqləməyə çağırırıq”, o əlavə edib.
Jurnalistin ABŞ hakimiyyətinin öz anbarlarından Ukraynaya az miqdarda silah ötürməyə davam edib-etməməsi ilə bağlı sualına cavab olaraq Rayder belə cavab verib: “Bu, bir seçimdir”. “Ancaq yenə də, sonda, əvvəldən etdiyimiz kimi, müxtəlif amillərə, o cümlədən Ukraynanın döyüş meydanındakı təcili ehtiyaclarına və döyüşə hazırlığımıza əsaslanaraq qərarlar qəbul edəcəyik”, – o əlavə edib. (Tass)