ABŞ və müttəfiqləri Ukraynaya artilleriya, hava hücumundan müdafiə sistemləri və digər silahların tədarükünü artırmaq niyyətindədir. Bunu ABŞ və Koreya Respublikasının xarici siyasət və hərbi idarə rəhbərlərinin iştirakı ilə keçirilən “2+2” formatında danışıqların yekunlarına dair birgə mətbuat konfransında çıxış edən ABŞ-ın müdafiə naziri Lloyd Ostin deyib.
“Prezidentin göstərişi ilə Birləşmiş Ştatlar Ukraynaya hərbi dəstəyi artırmağa davam edəcək, bizim müttəfiqlərimiz və Ukraynaya Hərbi Yardım üzrə Əlaqə Qrupunda olan tərəfdaşlarımız,” Ostin bildirib. Onun sözlərinə görə, söhbət xüsusilə “artilleriya, hava hücumundan müdafiə, zirehli texnika, döyüş sursatı”ndan gedir. “Birləşmiş Ştatlar yaxın günlərdə Ukraynaya əlavə hərbi yardım elan edəcək”, – Pentaqon rəhbəri vurğulayıb.
Rusiya prezidenti Vladimir Putin vurğulayıb ki, Ukraynaya yeni silahların verilməsi cəbhədəki vəziyyəti dəyişməyəcək, ancaq münaqişənin uzanmasına gətirib çıxaracaq. (Tass)