ABŞ Müdafiə Nazirliyi qlobal istiləşmə ilə əlaqədar bölgədəki yeni reallıqları əks etdirən yeni Arktika strategiyasını tezliklə açıqlayacaq. Bu barədə ABŞ-ın müdafiə naziri Lloyd Ostin məlumat verib.
“Birləşmiş Ştatlar Arktika ölkəsidir və təbii ki, bu, bir sıra səbəblərə görə bizim üçün strateji əhəmiyyət kəsb edən bir bölgədir və biz bu bölgənin prioritet olmasını təmin etmək üçün tədbirlər görəcəyik” Pentaqon rəhbəri ABŞ Senatının Təxsisatlar Komitəsində dinləmələr zamanı deyib.
Onun sözlərinə görə, Pentaqon “Arktika ilə bağlı yeni strategiya” açıqlayacaq. Ostin, təfərrüatlara varmadan “ətraf mühitin vəziyyətindəki dəyişiklikləri, iqlimin istiləşməsini” əks etdirəcək deyib. (Tass)
