Qrenlandiya ətrafındakı hava və dəniz məkanına çıxış ABŞ üçün çox vacibdir. Bunu Müttəfiqlərin Avropadakı Ali Baş Komandanı, amerikalı general Kristofer Kavoli Senatın Silahlı Qüvvələr Komitəsində keçirilən dinləmələrdə deyib.
Kavolinin sözlərinə görə, Rusiya Hərbi Dəniz Qüvvələrinin Şimal Donanmasının sualtı qayıqları Qrenlandiya-İslandiya boşluğu deyilən ərazidən (Qrenlandiya, İslandiya və Böyük Britaniya) keçir. “Onlar bunu keçdikdən sonra Atlantik Okeanında olurlar və burada onları izləmək çox çətin olur” deyib.
“Onların əldə edə bildikləri bu mövqelərdən ABŞ-ın təhlükəsizliyini təhdid edə bilərlər – dəniz bazalı qanadlı raketlərdən istifadə etməklə hücum edilə bilən bir neçə mühüm hədəf”, – Kavoli davam edib. “Qrenlandiya bu sərhədin qərb kənarıdır. Ona görə də Qrenlandiya ətrafındakı hava və dəniz məkanına çıxış ABŞ üçün kritik əhəmiyyət kəsb edir”, – NATO komandanı yekunlaşdırıb. (Tass)