Rusiya öz silahlı qüvvələrinin şəxsi heyətini istədiyi qədər tez artırmağa qadirdir. Bunu NATO-nun Avropadakı Müttəfiq Qüvvələrinin Ali Baş Komandanı, amerikalı general Kristofer Kavoli deyib.
“İnanıram ki, onlar öz şəxsi heyətini istədikləri qədər tez artıra biləcəklər”, – o, Senatın Silahlı Qüvvələr Komitəsində keçirilən dinləmədə vurğulayıb.
Kavoli bu məsələni “iki böyük bloka ayırdı: personal və avadanlıq”. Onun fikrincə, Rusiyanın görmək istədiyi Silahlı Qüvvələrin təşkilati strukturunu yaratmaq “bir az çətin, bir az daha vaxt aparacaq”. “Onlar 1,5 milyonluq insanlı orduya sahib olmaq istəyirlər. Bunu elan ediblər. Onun əhəmiyyətli bir hissəsini NATO və şimal-şərqi Avropa ilə sərhəddə yerləşdirmək istəyirlər”, – general iddia edib. “Bu, onlara bir az vaxt aparacaq. Amma söhbət bir-iki ildən gedir”, – hərbi lider hesab edir. O, həmçinin ABŞ-ın Avropa Komandanlığının Ali Baş Komandanı vəzifəsini də icra edir. (Tass)