ABŞ Müdafiə Nazirliyi Rusiya qüvvələrinin Xarkov istiqamətində irəliləyiş əldə etdiyinə inanır. Bunu Pentaqonun mətbuat katibi, Hərbi Hava Qüvvələrinin generalı Patrik Rayder keçirdiyi növbəti brifinqdə deyib.
“Mən konkret rəqəm deyə bilmərəm, ancaq onu deyəcəyəm ki, bildiyimiz kimi, Ukraynada on minlərlə rus hərbçisi var”, o, xüsusi əməliyyatda neçə rus hərbçisinin iştirak etdiyini dəqiqləşdirmək sorğusuna cavab olaraq bildirib. “Xarkov bölgəsində, əlbəttə ki, kiçik uğurlara imza ataraq yeni bir hücum həyata keçirirlər” deyib Rayder.
Kiyev etiraf edir ki, Xarkov vilayətində vəziyyət Ukrayna qoşunları üçün son dərəcə gərgindir. Mayın 14-də Ukrayna Baş Qərargahı məlumat verdi ki, Ukrayna Silahlı Qüvvələri Volçansk və Lukyantsy bölgələrində “daha sərfəli mövqelərə keçməyə” məcbur olub. Hərbi rəhbərlik bölgəyə əlavə ehtiyatların köçürülməsi barədə də məlumat verib. Eyni zamanda, Ukrayna prezidenti Vladimir Zelenski etiraf edib ki, bu bölmələrdən bəziləri başqa istiqamətlərdən çıxarılır. Mayın 16-da o , Xarkovda Ali Baş Komandanın qərargahının iclasını keçirib və bu ərazini son dərəcə çətin adlandırıb. Rusiya Müdafiə Nazirliyi Xarkov vilayətində bir neçə yaşayış məntəqəsinin azad edildiyini, mayın 14-də isə düşmən müdafiəsinin dərinliklərinə irəliləyişin davam etdiyini bildirib. (Tass)