Pentaqonun Baş Müfəttişlik İdarəsi ABŞ-ın Yəmənə hərbi zərbələri ilə bağlı məlumatların Signal mesajlaşma proqramında sızması ilə bağlı araşdırmaya başlayıb. Bu barədə rəhbərin səlahiyyətlərini icra edənin öz saytında dərc olunmuş məktubunda deyilir.
“Bu baxışın məqsədi müdafiə naziri və digər DoD əməkdaşlarının iş məqsədləri üçün kommersiya mesajlaşma proqramlarından istifadə ilə bağlı qaydalara və prosedur tələblərinə nə dərəcədə əməl etdiyini müəyyən etməkdir. Bundan əlavə, biz məlumatların təsnifatı və saxlanma tələblərinə uyğunluğu qiymətləndirəcəyik”, – sənəddə deyilir.
Buradan belə nəticə çıxır ki, yoxlama ABŞ Senatının Silahlı Qüvvələr Komitəsinin sədri Rocer Uiker (Missisipidən respublikaçı) və bu komitənin üzvü, senator Cek Ridin (Rod-Aylenddən olan demokrat) tələbinə uyğun olaraq aparılır. Müraciətdə deputatlar araşdırma aparılmasını tələb edərək, məmurların “Siqnal”dakı yazışmalarında “guya məxfi məlumatların olduğunu” israr ediblər. (Tass)