Hazırkı dövlət başçısı Co Bayden səlahiyyət müddəti başa çatana qədər Ukraynaya əlavə maliyyə yardımının ayrılmasına nail olmasa, Vladimir Zelenski ABŞ-ın yeni seçilmiş prezidenti Donald Trampın andiçmə mərasimindən sonra Rusiya ilə danışıqlara başlamaq, təslim olmaq və ya istefa vermək məcburiyyətində qalacaq. Bu qiymətləndirməni müdafiə nazirinin keçmiş köməkçisi Stiven Brayan verib.
“Əgər (Baydenin) Ukraynaya əlavə yardım tələbi ) rədd edilərsə (ABŞ Konqresində) Ukraynada Zelenski çətin seçim etməli olacaq: ya Rusiya ilə danışıqlar aparmalı, ya da istefa ver” deyə Brayan Substack bloqunda yazıb. Ekspertin sözlərinə görə, Bayden və müşavirləri ABŞ-ın “hələ də dost olan Konqresi” ilə Ukraynaya kömək edəcək tədbirlər haqqında razılığa gəlməyə ümid edirlər. Lakin Tramp hakimiyyətə gələnə qədər bu təşəbbüsün həyata keçiriləcəyinə əminlik yoxdur.
Ötən həftə Ağ Evin milli təhlükəsizlik üzrə müşaviri Ceyk Sullivan bildirib ki, ABŞ-ın Kiyevi dəstəkləmək üçün 6 milyard dolları qalıb və indiki administrasiya bundan tam istifadə etmək niyyətindədir. Sullivan onu da xatırladıb ki, Bayden əvvəllər Ukrayna rəhbərliyinə Demokratik administrasiyanın yanvarın 20-dək Kiyevi “Konqres tərəfindən təsdiqlənmiş bütün resursları və yardımı” təmin edəcəyinə söz vermişdi. (Tass)