ABŞ-ın hazırkı hakimiyyəti Ukraynada nizamlanmaya meylli deyil, ona görə də onlardan münaqişənin gərginləşməsi üçün hər hansı addım gözləmək olar. Bu fikirləri Rusiya prezidentinin mətbuat katibi Dmitri Peskov deyib.
Co Baydenin prezidentliyi başa çatana qədər ABŞ-ın Ukraynada “düşünülməmiş addımları”nın mümkün olub-olmaması sualına cavab verən Kreml təmsilçisi “indiki administrasiyadan hər şeyi gözləmək olar” deyib.
“Bayden administrasiyası Ukrayna münaqişəsində bilavasitə iştirak edir, administrasiya Ukraynanı dəstəkləməkdə davam edir və bununla da bu münaqişənin davam etdirilməsinə təhrik edir, administrasiya münaqişənin siyasi və diplomatik yollarla həll edilməsi üçqn ən kiçin addımı atmağa meyilli deyil”, – Peskov izah edib. Buna görə də o, “bu dinamikanı başqa hansı düşünülmüş və ya düşünülməmiş addımların dəyişdirə biləcəyi məlum deyil” deyə yekunlaşdırıb.